تحدث محمد على حافظ فى لقاء مميز، يكشف لنا أحد المتخصصين في العلاقات العامة عن مسيرته المهنية، موضحًا كيف بدأ وحقق إنجازات مهمة في هذا المجال، وازداد شهرة بعد تنظيمه لأحداث كبيرة جمعت شخصيات بارزة. يتحدث عن تجاربه وتحدياته، وعن أهمية تطوير المهارات الشخصية والمهنية للاستمرار والتألق في هذا المجال.
مساء الخير، أيه الأخبار..النهاردة هقولكم ايه اللي خلاني أكمل في مجال العلاقات العامة لمدة ثلاث سنوات. الحقيقة، لقيت المجال ده شبهي جدًا؛ لأنه يعكس صفاتي الشخصية. أنا شخص اجتماعي، لبق في الكلام، وعندي قدرة على الإقناع. عشان كده حبيت المجال ده من أول تجربة ليّ مع فريق تطوعي، ومن هنا بدأت أغوص وأتعرف على أبعاد جديدة فيه.
ممكن تحكي لنا عن واحدة من أبرز تجاربك في التنظيم؟
أيوه، كان في شهر 4 الماضي بعد رمضان، وكنت المسؤول عن حدث كبير. قدرت أجمع عدد من المتحدثين والجهات الراعية، مثل دكتور عماد قطارة، دكتور محمد المنوفي، دكتور محمد جلال، وأيضاً الشخصيات المميزة كندى أشرف ودكتورة هالة، وكوتش ضحى. الحقيقة، الحدث ده كان نقطة تحول في مسيرتي، ومن بعده اتشهرت وابتدت الناس تعرفني أكتر كمنظم فعاليات قادر على جذب المتحدثين المميزين. وطبعا اتعرفت على ناس كتير من الصحفيين والإعلاميين، ومش مجرد علاقات عمل، بل صداقات قوية ساعدتنا في تسليط الضوء على الحدث بشكل ممتاز.طيب، جانب الشعر وكرة الطائرة واضح إنه جزء من شخصيتك.
ازاي بتقدر توفق بينهم وبين شغلك؟
صحيح، الشعر وكرة الطائرة شغفي، بجانب شغلي في العلاقات العامة. الشعر وكرة الطائرة وتنس الطاولة هما هوايات بالنسبة لي، بكتب شعر في وقت فراغي وأروح النادي ألعب.إيه اللي استفدته من العمل في مؤسسات مثل YLY وصناع الحياة؟تجربة YLY كانت الأولى والأهم في مسيرتي؛ لأنها علمتني أصول العلاقات العامة، وخلتني أتقن فن الإقناع والتواصل الاجتماعي. أما صناع الحياة، فساعدتني أكون علاقات كتير، وده خلى فرصتي للوصول لمكانتي الحالية أفضل.
شايف إيه دور العلاقات العامة في تطوير مهارات القيادة والإدارة اللي بتدربها؟
العلاقات العامة بتساعد على بناء الثقة، التواصل الفعال، حل المشاكل، التأثير على الآخرين، وصناعة صورة ذهنية إيجابية عن الفرد أو المؤسسة، وده بيجذب المواهب ويعزز من فرص النجاح.إزاي العلاقات العامة بتساعد في تغيير صورة المؤسسة اللي بتشتغل معاها؟كل مؤسسة اشتغلت معاها كانت إضافة ليا، وكنت أنا كمان إضافة ليهم. أنا مؤمن إنه طول ما عندك فكرة كويسة وبتعرف تعرضها، تقدر تحقق تغيير إيجابي.ممكن تكلمنا عن أهمية تطوير نفسك في مهارات مثل ICDL واللغة الإنجليزية؟تطوير مهارات مثل ICDL مهم لأي شغل، وخاصة إني محاسب، أما اللغة الإنجليزية فبتساعدني في العلاقات العامة والبزنس وبتفرق في المرتبات.
إيه اللي بيميز فريق العلاقات العامة الناجح؟
فريق العلاقات العامة الناجح لازم يكون عنده فهم عميق للشركة، مهارات تواصل استثنائية، سرعة بديهة، علاقات قوية، إبداع، وروح الفريق.بترشح إيه للشباب اللي عايز يدخل مجال العلاقات العامة؟أهم حاجة للشباب المهتمين بالمجال هي الدراسة المتخصصة، تطوير المهارات الشخصية، اكتساب الخبرة العملية، متابعة التطورات، والتحلي بالشغف والإبداع.
نصيحة أخيرة؟“العلاقات العامة مش مجرد وظيفة، ده أسلوب حياة.”
