تلاعب نقابة المحامين بشباب الخريجين طالبين القيد في النقابة، تفاجأ شباب الخريجين بوقف باب القيد دون أي إعلان مسبق، وعند الاستفسار لم يقدم أحد تفسيراً واضحاً لذلك. حاول الشباب المتقدمون للقيد طرق أبواب النقابات الفرعية والنقابة العامة، لكن كل مرة كانوا يحصلون على إجابة مختلفة. تارة يُقال إن السبب هو انتخابات مجلس نقابة المحامين، وتارة أخرى يُقال إن ذلك متعلق بتشكيل لجنة القيد، وفي مرة ثالثة يُقال إن باب القيد سيفتح في 15 مايو وهو ما لم يحدث.
خرج علينا نقيب المحامين الأستاذ عبد الحليم علام ليبرر ذلك قائلاً إنه سيتم وضع ضوابط جديدة للقيد من أجل الارتقاء بالنقابة. ثم خرج مرة أخرى ليعلن عن تطبيق نظام معهد المحاماة، لكنه لم يدرك أن النقابة ليست جاهزة لذلك في الوقت الحالي. ثم أعلن عن اختبارات يجب على طالب القيد اجتيازها قبل قبوله في النقابة، وعند الهجوم عليه أصدر بيانًا طويلًا ينفي كل ما قاله سابقًا، ويتهم أنصار المجالس السابقة بنشر هذه الشائعات بهدف إفساد عمل النقابة.
أخيراً، وبعد أشهر من عدم الوضوح، أعلن مجلس النقابة عن فتح باب القيد في 25 يونيو 2024، لكن قبل ذلك التاريخ بيوم قامت الصفحة الرسمية لنقابة المحامين عبر موقع التواصل الاجتماعي فيسبوك بتعديل القرار وجعله يوم 26 يونيو.
صدرت قرارات جديدة من أعضاء مجلس النقابة بضرورة سحب ملف من قبل طالب القيد بثمن 1500 جنيه مصري، بالإضافة إلى إجراء مقابلة شخصية لتحديد قبول الطالب في النقابة من عدمه. كما زادت الرسوم لتصل إلى 4000 جنيه، وهو ما لم يتم الإعلان عنه بشكل رسمي من قبل النقابة.
عند تسليم الملفات، أُخبر بعض الطلاب بضرورة الحضور يوم الاثنين الأول من يوليو 2024. وبعدما توافد الطلاب من جميع أنحاء الجمهورية إلى النقابة العامة ومعهم جميع الأوراق المطلوبة و مرتدين الزي الرسمي، تفاجأوا بموظفي النقابة يطلبون منهم ترك صورة البطاقة مدون عليها رقم هاتفهم المحمول ليتم التواصل معهم لاحقًا.
هذه هي قصة فشل نقابة المحامين (نقابة القانون واللوائح والنظام ) في تطبيق نظام واضح لقيد طلبات الالتحاق بها.
يطالب شباب الخريجين من السادة أعضاء مجلس إدارة نقابة المحامين المصرية بضرورة وضع نظام واضح للقيد وفي اسرع وقت.
نقابة المحامين: تعلن ضوابط القيد بجدول النقابة وفتح باب القيد
7 أفكار عن “تلاعب نقابة المحامين بشباب الخريجين طالبين القيد في النقابة”
منذ وقف القيد الغير مبرر مرورا بفتحه بشكل وهمى الى ان وصلنا لمرحلة التلاعب والاكاذيب
قد اعلن السيد النقيب عن ضوابط جديده ما انزل الله بها من سلطان واشترط للتقديم الحصول على ملف بقيمة ١٥٠٠ جنيه بعد ان كان يعطى مجانا وعند سحب الملف يبلغونا بميعاد للمقابله الشخصيه ثم ناتى من كل حدب وصوب الى النقابه على الميعاد المحدد ونتفأجى بانهم يطلبون رقم الهاتف للاتصال بنا دون مرعاة بعد المسافه ولا عناء الطريق فى هذا المناخ الحار
وياتى سؤال هام
لماذا تم اغلاق القيد من البدايه دون دراسة ابعاد الموقف
لماذا تم فتح القيد قبل دراسة ابعاد الموقف وتشكيل لجنة قبول
لما كل هذا العبث بمصلحة الخريجين
لما كل هذا الاستنزاف المادى للخرجين
يا نقيب المحامين
يا مجلس النقابه
ايها الساده المحامين والمحاميات اغيثونا من هذا الظلم الذى تفشى وانتشر .
البيحصل فينا ده ميرضيش ربنا
يعني أنا صارف 700 جنيه كشف طبي 500 للكشف +100 استمارة كشف طبي +100 طوابع
وملف ب1500 وكمان علشان اختم ورقة التدريب واخد 200 جنيه تاني
كل ده وفي الاخر مفيش فايدة وعاوزني وانا من الصعيد اسافر القاهرة علشان الموظف يقولي سيب رقمك وهنتصل بيك
موقف في منتهي الخزي والعار من مجلس النقابه ووصمة عار في تاريخه المهني لما يتم ايقاف القيد بدون قرار واستئنافه ايضا بدون قرار ورفع الرسوم دون مبرر واضافة اجراءات شكليه لا قيمة لها لتعجيز شباب المحامين في حين يزعم النقيب وقوفه الي جوار الشباب نتمي حل هذه الازمة والتحقيق مع المتسببين فيها في اسرع وقت
فساد كبير داخل النقابة ولا يوجد رقيب عليها !؟
انا من الناس اللي كانت مجهزه ورقها كله وعامل الكشف الطبي من شهر ٢ وف الاخر قفلوا القيد بدون سابق إنذار واحنا كنا واقفين ع دفع الرسوم وحلف اليمين وف الاخر كل حاجه وقفت واتعطلنا ٥ شهور وف الاخر يوم ما فتح مفيش اي وضوح او نظام او تطبيق واضح للشروط الجديده وحتى الموظفين اللي ف النقابة ميعرفوش اي حاجه سواء عن الرسوم او المقابله وكم فوضى رهيب وحسبي الله ونعم الوكيل عشان يعملوا مستقبلنا بالشكل ده احنا مش طالبين معجزه احنا طالبين حقنا اننا ندخل النقابة زي اي خريج من كليات أخرى بيدخل نقابته بكل اربحيه لكن ده اللي مش حباه النقابة لينا
الرسوم زادت زياده غير مبرره و ملهاش لازمه ليه اسحب ملف ب١٥٠٠ على كام ورقه ده غير الشروط و الضوابط الجديده شروط تعسفيه النقيب يعجزنا بعد ما ادفع كل ده كمان يا هتقبل يا متقبلش عايزين الشباب تعمل ايه .. متخرج من حقوق يعني محامي كده ولا نقابه محامين ولا نيابه حسبي الله ونعم الوكيل
الرسوم لحد دلوقتي منزلتش رسمي هتبقى الرد من موظف النقابه بيقول ٤٠٠٠ كل ده ليه كتير على شباب لسه بيبدأ ازاي لحد دلوقتي مافيش قرار رسمي بالرسوم عايزين تعملوها كام ارحمو الشباب هتجيب منين المبالغ دي في أول طريقها